O convento de San Francisco de Ourense

O edificio que hoxe vemos no local do convento de San Francisco de Ourense é unha realidade diferente do edficio histórico que alí estaba e do que aínda se conservan restos moi significativos, como o cláustro gótico e outras amosegas que cómpre rastrexar pausadamente como fitos illados que alumean as referencias documentais conservadas. Esta realidade ten a súa explicación no proceso histórico, dende o século XIV ata o primeiro tercio do século XIX en que foi propiamente convento dos frades menores, coma nas posteriores e sucesivas adecuacións para o novo fin que recibe tras a desamortización, o de ser lugar de albergue das tropas das diversas unidades militares que prestaban o ser servizo ou estaban de paso na cidade de Ourense.