Comprende esta obra o estudo pormenorizado dunha selección de pezas artísticas de toda a provincia —«o dourado país de Ourense» ao que se refería Cunqueiro—, abordado por un conxunto de especialistas. Dende obras anónimas da arte prehistórica ata as máis actuais tendencias de recoñecidos creadores contemporáneos, a análise de cada unha das pezas inclúe tamén a súa representatividade do período histórico ao que pertence. Todo isto conforma un volume de excepcional contido, tanto pola calidade das obras seleccionadas e do estudo de cada unha como pola visión panorámica que supón da arte ourensá, cunha luxosa presentación.
Encadernación en tea (veludo negro con estampación en seco), sobrecuberta en cartolina, 265 páxinas, ilustracións, fotografías en cor, 34 x 26 cm