Empresarios de Galicia, vol. 2

Segundo volume de biografías de empresarios galegos dos séculos XIX e XX que complementa o traballo de investigación realizado no volume editado en 2006. Nesta segunda obra figuran, entre outros, algúns dos persoeiros que desenvolveron o seu labor profesional lonxe de Galicia, sendo destacados membros das elites industriais e comerciais dos lugares onde traballaron. Coas recollidas neste volume son xa corenta e seis biografías publicadas no ámbito do empresariado galego, que consideramos parte da cultura do noso país.