Hospital, igrexa e pazos da abadía da Santísima Trinidade

O conxunto monumental da Trinidade, na praza do mesmo nome do vello Ourense, conta cunha longa historia vencellada á orixe da cidade que afunde as súas raíces en época romana. En efecto, os vestixios arqueolóxicos confrimaron a existencia dunha necrópole tardorromana de finais do século IV a. C. que corresponde ao núcleo habitacional arredor das Burgas e o lugar continuou cun uso funerario ata o século XV. Sobre este substrato construíse a finais do século XII, nun dos eixos principais da cidade medieval, un hospital para a atención de peregrinos que se dirixían a Santiago de Compostela, unha igrexa adscrita ao hospital e os pazos e casas principais para a residencia dos abades.