Inge Morath entrou en contacto con Ernst Haas traballando como tradutora e redactora para a revista Heute. Pouco despois Robert Capa convidounos a incorporarse á recentemente creada axencia Magnum. A suxestión de Capa, Morath traballou entre 1953 e 1954 como axudante e documentalista de Cartier-Bresson. En 1955 foi admitida como membro oficial de Magnum Photos en calidade de fotógrafa. En 1954 veu por primeira vez a España, quería percorrela, coñecer por si mesma este país do que tanto lle falaran e sobre o que lera, unha terra mítica para os intelectuais de esquerda europeos e americanos. Robert Delpire publicou algunhas destas fotografías de Morath, con texto de Dominique Aubier, no libro Guerre à la tristesse, en 1955.
Este catálogo recolle unha selección de imaxes que Inge Morath realizou nas súas viaxes por España entre 1954 e 1962.
68 páxinas, ilustracións, fotografías en branco e negro, 30 x 30 cm