Joan Hernández Pijuan: 1993-2004

Tras participar dalgúns dos movementos significativos que definiron parcialmente a historia da arte desde a segunda metade do século XX (expresionismo postcubista, informalismo, abstracción xeométrica…), a obra de Hernández Pijuan foise configurando ao redor dunha idea de espacialidade e de paisaxe na que o tempo, a memoria e os signos serven como puntos de referencia.
Este catálogo céntrase no seu traballo realizado entre 1993 e 2004 como reflexión estética da súa experiencia emocional coa cidade de Granada, a pegada que un determinado espazo lle produce, un concepto de longa tradición na arte oriental.