M. Fortuny: 1838-1874

Ninguén cultivaría tanto éxito cos cadros de gabinete como Mariano Fortuny, non só en España, tamén en París e Roma, alcanzando a fama e obtendo unha considerable fortuna que lle permitiría ter varias casas abertas en diferentes cidades. A pesar da súa morte aos 36 anos, o seu estilo e a súa obra defíneno como un auténtico xenio que marcou indeleblemente a toda unha xeración de pintores europeos e que puido revolucionar a pintura española de prolongarse a súa vida, tal como demostra o estilo dos seus últimos traballos.