«Despreocupado mais non indiferente» é o título da exposición e do catálogo dos fondos pertencentes á Man Ray Trust (Long Island, Nova York). A exposición consta dunhas trescentas pezas coidadosamente datadas, catalogadas e autentificadas de cada un dos catro períodos significativos na produción de Man Ray, incluíndo algunhas obras temperás pouco coñecidas. É a primeira mostra que sitúa as pezas en relación cos obxectos e imaxes en que se inspirou, evidenciando a evolución de numerosos motivos desde os bosquexos iniciais até a obra terminada. Comprende debuxos, fotografías, pintura, escultura, documentos e efectos persoais representativos de máis de sesenta anos da súa vida creativa.
Encadernación en tea con sobrecuberta, 392 páxinas, ilustracións, fotografías en branco e negro e cor, 28 x 23 cm + CD-Rom