Maside en Compostela: O testamento pictórico do mestre

A obra de Carlos Maside resulta imprescindible na análise do avance da plástica galega do século XX, pois empregou técnicas e ferramentas vangardistas para plasmar os aspectos da cuestión social que tanto lle interesaban, así como o seu contorno, en pezas de evidente esencia galaica.
Este catálogo, que complementa a exposición do mesmo título, comprende (xunto a outras) as obras que conforman o legado Maside, ese conxunto que o artista considerou indivisible e representativo da súa produción.
Textos: Antón Baamonde, Encarna Otero Cepeda, Mercedes Rozas e Suso de Toro